chhattisgarh : मुख्यमंत्री ह ठाकुर प्यारेलाल सिंह के पुण्यतिथि म करीन नमन

जय जोहार । (chhattisgarh ) मुख्यमंत्री भूपेश बघेल ह छत्तीसगढ़ म श्रमिक आंदोलन के सूत्रधार ठाकुर प्यारेलाल सिंह के 20 अक्टूबर के पुण्यतिथि म ओमन ल नमन करे हे । सीएम ह ठाकुर प्यारेलाल सिंह के योगदान ल याद करत किहीन कि स्वतंत्रता संग्राम के दउरान जनजागरण म ओखर महत्वपूर्ण योगदान रिहीन हे ।

वोहा छात्र मन ल संगठित कर राष्ट्रीय आंदोलन म भागीदारी बर प्रेरित करीन । शोषण अउ अत्याचार के विरोध बर घलो सक्रिय रिहीन । (chhattisgarh ) राजनांदगांव के मिल मजदूर बर वोहा संघर्ष करीन अउ ओखर हक दिलाइन । ओखर नेतृत्व म छत्तीसगढ़ के बुनकर संगठित होइन अउ छत्तीसगढ़ बुनकर संघ के स्थापना होइन । सीएम श्री बघेल ह किहीन कि ठाकुर प्यारेलाल जी के जीवन अउ विचार मूल्य हमेसा हमन ल प्रेरणा देत रही ।