Raipur : मुख्यमंत्री ह वामनराव लाखे के पुण्यतिथि म करीन नमन
जय जोहार । (Raipur ) मुख्यमंत्री भूपेश बघेल ह स्वर्गीय वामनराव लाखे के पुण्यतिथि 21 अगस्त म ओमन ल नमन करीन हे । सीएम श्री बघेल ह स्वतंत्रता संग्राम अउ सहकारिता के क्षेत्र म श्री लाखे के अमूल्य योगदान ल याद करत किहीन कि छत्तीसगढ़ म सहकारिता के माध्यम ले श्री लाखे ह किसान समेत लाखो मनखे मन के आर्थिक विकास के मजबूत आधारशिला रखीन ।
(Raipur ) वो हा छत्तीसगढ़ म सहकारिता के नींव रखत हुये रायपुर म सहकारी बैंक के स्थापना करीन । राष्ट्रीय स्वतंत्रता संग्राम के दउरान वो हा छत्तीसगढ़ म जन-जागरण बर अपन अमूल्य योगदान देहे । खादी के प्रचार-प्रसार के संग शिक्षा के विकास बर घलो सक्रिय रिहीन । श्री लाखे ह आजीवन सहकारी संगठन के मजबूती बर लगे रिहीन । ओखर परयास के ही परिणाम है कि आज सहकारिता के माध्यम ले लाखो मनखे मन के रोजगार अउ आघू बढ़े के सपना ह सच होत हे ।
