CM Bhupesh Baghel ह छत्तीसगढ़ के जैव विविधता म 6 पुस्तक के करीन विमोचन
जय जोहार। मुख्यमंत्री भूपेश बघेल (CM Bhupesh Baghel) ह आज रईपुर म अपन निवास कार्यालय म अंतर्राष्ट्रीय जैव विविधता दिवस के अवसर म आयोजित ‘परिचर्चा अउ पुरस्कार वितरण‘ कारीकरम म छत्तीसगढ़ के जैव विविधता म अलग अलग लेखक मन के 6 ठीन पुस्तक के विमोचन करीन ।
सीएम भूपेश बघेल (CM Bhupesh Baghel) ह कारीकरम म लेखक डॉ. शिवाजी चवन के पुस्तक ‘छत्तीसगढ़ स्टेट बायोडायवर्सिटी स्ट्रेटेजी एण्ड एक्शन प्लान 2022-30‘, भारतीय वन सेवा के अधिकारी रामकृष्णा के गुरू घासीदास टाईगर रिजर्व म गुफा शैल चित्र म केन्द्रित पुस्तक ‘शेड्स ऑफ पास्ट‘, गौरव निहलानी, ज्ञानेन्द्र पाण्डेय, वसुन्धरा प्राकृतिक संरक्षण समिति के पुस्तक ‘छत्तीसगढ़ में ईको पर्यटन – संभावनाएं एवं चुनौतियां‘ के विमोचन करीन हे।
अइसने सीएम भूपेश बघेल (CM Bhupesh Baghel) ह शैलेन्द्र उईके अउ भारतीय वन सेवा के श्रीनिवास टी. की पुस्तक ‘अ फिल्ड गाईड टू फॉरेस्ट ग्रासेस ऑफ छत्तीसगढ़‘, डॉ. विवेक कुमार सिंघल अउ डॉ. हेमकांत चंद्रवंशी अंकित सेवा संस्थान के पुस्तक‘ बायोडायवर्सिटी इन छत्तीसगढ़्स स्वाईल‘ तथा ‘इनसेक्ट बायोडायवर्सिटी ऑफ छत्तीसगढ़‘ के विमोचन करे हे ।
