CM Bhupesh Baghel ह पुस्तिका ’जात्रा’ के करीन विमोचन
जय जोहार । सीएम भूपेश बघेल (CM Bhupesh Baghel) ह आज विधानसभा म अपन कार्यालय कक्ष म छत्तीसगढ़ के बिसेस संरक्षित जनजाति म डॉ. सत्यजीत साहू डहार ले लिखित अउ ’जात्रा’ पुस्तिका के विमोचन करीन । ए अवसर म मुख्यमंत्री के सलाहकार प्रदीप शर्मा, संसदीय सचिव लखेश्वर बघेल, सुनील शर्मा, संतोष ठाकुर, सूरज दुबे अउ भूमिसुता साहू घलो उपस्थित रिहीन ।
मुख्यमंत्री श्री बघेल ल डॉ. साहू ह बताइन कि पुस्तिका म छत्तीसगढ़ म निवासरत बिसेस पिछड़ी जनजाति के संकेन्द्रण, ओखर जीवनशैली, रहन-सहन अउ खान-पान के उल्लेख करे गेहे । एखर संग ओखर टीम डहार ले सिविर के माध्यम ले ए जनजाति म स्वास्थ्य के प्रति जागरूकता पैदा करे के संग ही छोटी-मोटी बीमारी के प्रति भ्रांति ल दूर करे बर करे गे परयास के घलो जानकारी दे गेहे ।
वोहा बताइन कि ओखर टीम ह सुदूर आदिवासी क्षेत्र म कैम्प लगाके राज्य सरकार डहार ले चलाए जावत स्वास्थ्य योजना के जानकारी दे के संग मुफत स्वास्थ्य परीक्षण अउ दवाई घलो मुहैया करावत हे । मुख्यमंत्री ह डॉ. साहू अउ ओखर टीम के सदस्य के काम के सराहना करत हुए ओमन ल बधाई दीन ।
