chhattisgarh : मुख्यमंत्री ह तुंहर योजना तुंहर दुआर बुकलेट अउ बालोद जिला के डायरेक्टरी के करीन विमोचन

जय जोहार। (chhattisgarh) मुख्यमंत्री भूपेश बघेल ह बालोद जिला म अपन भेंट मुलाकात कार्यक्रम के अंतिम दिन आज बालोद सर्किट हाउस म तुंहर योजना तुंहर दुआर बुकलेट अउ बालोद जिला के डायरेक्टरी के विमोचन करीन। तुंहर योजना तुंहर दुआर बुकलेट म आने आने विभाग म संचालित कल्याणकारी योजना के जानकारी के संकलन करे गेहे ।

ए बुकलेट म योजना के संचालन के उद्देश्य, योजना ले प्राप्त होवइया लाभ, योजना के पात्रता अउ आवेदन के प्रक्रिया के बारे म विस्तार ले जानकारी दे गेहे । सासकीय योजना के प्रचार-प्रसार म संलग्न राजीव युवा मितान क्लब के सदस्य समेत दूसर मनखे अउ आमजन बर ये बुकलेट बड़ अकन उपयोगी साबित होही । उहें बालोद जिला के डायरेक्टरी म जिला के सबो अधिकारी अउ कर्मचारी मन के संबंध म जानकारी संकलित करे गेहे ।