CM Bhupesh Baghel ह चंदूलाल चंद्राकर के जयंती म करीन याद

जय जोहार । सीएम भूपेश बघेल (CM Bhupesh Baghel) ह पूर्व लोकसभा सांसद, पूर्व केन्द्रीय मंत्री अउ पत्रकारिता के पुरोधा चन्दूलाल चन्द्राकर के 1 जनवरी के जयंती म ओमन ल नमन करीन हे । सीएम श्री बघेल ह छत्तीसगढ़ बर श्री चंद्राकर के योगदान ल याद करत हुए किहीन कि छत्तीसगढ़ राज्य निर्माण म चन्दूलाल चंद्राकर जी के अमूल्य योगदान हे ।

चंदूलाल जी ह सर्वदलीय मंच के अध्यक्ष के रूप म राज्य आंदोलन ल नवा दिसा दीन। चंदूलाल जी ह लोकसभा बर पांच घांव निर्वाचित होइन अउ सरलग आम जनता के सेवा करत रिहीन । वोहा ने पर्यटन, नागरिक उड्डयन, कृषि, ग्रामीण विकास जइसे महत्वपूर्ण विभाग के मंत्री का दायित्व संभालत हुए उल्लेखनीय काम करीन ।

सीएम भूपेश बघेल (CM Bhupesh Baghel) ह किहीन कि चंदूलाल जी राजनीति ले पाहिले सक्रिय पत्रकारिता ले जुड़े अउ देस-विदेस म पत्रकार के रूप म खूब ख्याति अर्जित करीन । छत्तीसगढ़ ले राष्ट्रीय समाचार पत्र के संपादक पद म पहुंचइया पहिला व्यक्ति रिहीन । मूल्य आधारित पत्रकारिता ल प्रोत्साहन मिले, एखर बर छत्तीसगढ़ सरकार ह ओखर स्मृति म पत्रकारिता के क्षेत्र म चन्दूलाल चन्द्राकर फेलोशिप स्थापित करे हे ।