प्रधानमंत्री के वीडियो कांफ्रेंसिंग म मुख्यमंत्री ह कहिन – राज्य मन के अंदर आवश्यक आर्थिक गतिविधि मन ल चलाए बर अनुमति मिलना चाही

जय जोहार रायपुर…. मुख्यमंत्री भूपेश बघेल ह प्रधानमंत्री नरेंद्र मोदी ले आग्रह करे हे कि लॉकडाउन के स्थिति म राज्य मन के अंदर कुछु आवश्यक आर्थिक गतिविधि मन ल चलाए के अनुमति मिलना चाही। वोहा संकट के समय एमएसएमई सेक्टर ल बचाए बर केंद्र सरकार ले आर्थिक पैकेज के मांग के संगेसंग कोरोना संक्रमण ले बचाव बर अधिक ले अधिक सेम्पल लिए जाना अऊ वर्तमान म कोरोना संकट ल देखत हुए अंतर्राज्यीय सड़क, वायु, रेल सुविधा मन म प्रतिबंध जारी रखे के सुझाव दे हे। मुख्यमंत्री बघेल ह आज प्रधानमंत्री के तरफ ले कोरोना वायरस संक्रमण के स्थिति के समीक्षा बर सबो राज्य मन के मुख्यमंत्री के ले गिस वीडियो कांफ्रेंसिंग म उपरोक्त सुझाव दिस।

मुख्यमंत्री बघेल ह प्रधानमंत्री ले ए घलो आग्रह करिन कि पीपीई किट के संख्या म वृद्धि अऊ परीक्षण के सुविधा घलो बढ़ाए जाना चाही। वो हा केंद्रीय विश्वविद्यालय के परीक्षा ल स्थगित रखे जाए या आनलाईन लिए जाना के सुझाव घलो दिस। मुख्यमंत्री ह कहिन कि केंद्र सरकार के तरफ ले परीक्षण किट के खरीदी बर तय करे गे गाइडलाइन म स्पष्ट निर्देश नई होय ले संशय के स्थिति बनत हे। ए संबंध म स्पष्ट दिशा-निर्देश दिए जाए के आवश्यकता हे। वोहा कहिन कि राज्य म एमएसएमई सेक्टर के तरफ ले लगातार आर्थिक पैकेज के मांग करे जात हे। लॉकडाउन के लंबा अवधि के चलत लोग मन ल सर्वाधिक रोजगार उपलब्ध करइया ए महत्वपूर्ण सेक्टर के अस्तित्व ह खतरा म पड़ गे हे। वोहा ए उद्योग मन ल बचाए बर केंद्र सरकार के तरफ ले शीघ्र आर्थिक पैकेज दिए जाना के घोषणा करे के अनुरोध करिस।

मुख्यमंत्री ह बताइस कि छत्तीसगढ़ राज्य देश के सर्वप्रथम राज्य मन म शामिल हे, जिहां 21 मार्च 2020 के लॉकडाउन लागू करे गे हे। सोशल डिस्टेंसिंग के कड़ाई ले पालन होय अऊ पूर्ण लॉकडाउन के चलत इहां कोविड 19 के संक्रमण के स्थिति तुलनात्मक रूप ले बेहतर हे। राज्य म कोरोना के कुल 18 व्यक्ति संक्रमित पाए गे हे, एमा अब तक 10 स्वस्थ हो चुके हे. शेष 8 मरीज मन के हालत सामान्य हे। तबलीगी जमात के 7 सदस्य कोरोना वायरस ले संक्रमित पाए गे हे। ए सबो ल रायपुर एम्स म भर्ती कराए गे हे। ओखर मन के हालत घलो सामान्य हे। राज्य म अब तक कोनो व्यक्ति के कोरोना वायरस संक्रमण ले मृत्यु नई हुई हे।