रमन सिंह के कद अऊ पद नापे म समय बर्बाद न करे मुख्यमंत्री…..भाजपा

दीपक बावनकर@रायपुर भारतीय जनता पार्टी के स्टार प्रचारक मन के सूची ले पूर्व मुख्यमंत्री रमन सिंह के नाम गायब होय ले मीडिया अऊ कांग्रेस ल मसाला मिल गे रिहिस , दूनो तरफ खाली एक्के बात अऊ उही बाईट , भाजपा के कुछ प्रवक्ता मन जानकारी के आभाव म बाईट ले दूरी बनात नजर आइस , लेकिन कांग्रेस के प्रवक्ता मन ल तो विषय मिल गे अऊ वो मन धडाधड बोलिस

एक दिन बाद साफ़ होईस कि रमन सिंह ल चित्रकोट अऊ निकाय चुनाव के जिम्मेदारी मिले हे तेखरे सेती सूची म नाम नई हे .पूर्व विधायक श्रीचंद सुन्दरानी ह किहिस कि जो पद अऊ कद जनता ह पूर्व मुख्यमंत्री ल दे हे ओला नापे म मुख्यमंत्री भूपेश बघेल समय व्यर्थ न करे बल्कि विकास म ध्यान दे नई ते अपराध गढ़ बन जाही हमर प्रदेश .