Raipur : मुख्यमंत्री भूपेश बघेल ह मंगल भवन अउ ऑडिटोरियम निर्माण बर 50-50 लाख रुपिया के करीन घोसना

जय जोहार । (Raipur) मुख्यमंत्री भूपेश बघेल आज अंबेडकर चौक म आयोजित बाबा साहेब भीमराव अंबेडकर जयंती समारोह म सामिल होइन । इहां वो हा मंगल भवन बर 50 लाख अउ देवेन्द्रनगर स्थित बौद्ध विहार म ऑडिटोरियम निर्माण बर 50 लाख रुपिया के रासि दे के घोसना करीन । एखर संग वो हा अंबेडकर चौक म नगर निगम डहार ले बाबा साहेब के 20 फ़ीट ऊंचा नवा प्रतिमा स्थापित करे के घोसना करे हे ।

ए अवसर म (Raipur) मुख्यमंत्री ह किहीन कि बाबा साहेब अंबेडकर ह दलित, शोषित अउ वंचित बर अपन पूरा जिनगी ल समर्पित कर दीन । ओ हा जन्म ले लेके मृत्युपर्यंत दलित के उद्धार म लगे रिहीन । वो हा सामाजिक दंश झेले के बावजूद घलो उच्च शिक्षा प्राप्त करीन अउ समाज के सेवा अउ उत्थान म जुड़ गीन ।

बाबा साहेब अंबेडकर ह मंत्र दीन हे कि ‘शिक्षित बनो, संगठित रहो अउ संघर्ष करो’ । (Raipur) शिक्षा ही हमन ल अपन अधिकार अउ कर्तव्य के भान करात हे । जब हमन ल अपन कर्तव्य के भान होत हे , हमन अपन उपेक्षा के विरुद्ध सोचत हन , इहीं विचार हमन ल संघर्ष के प्रेरणा देत हे अउ संघर्ष संगठित होके ही करे जात हे । बाबासाहेब के दे संविधान हमन ल सामाजिक, आर्थिक अउ राजनीतिक समानता के अवसर देत हे । ए संविधान के सेती हमन ल आरक्षण मिलीन ।