जय जोहार । (Chief Minister Slum Health Scheme) मुख्यमंत्री भूपेश बघेल के पहल ले शहरी क्षेत्र के स्लम बस्ती में रहवइया गरीब परिवार ल मुफत उपचार के सुविधा दे जावत हे । मुख्यमंत्री शहरी स्लम स्वास्थ्य योजना के माध्यम ले अब तक 44 लाख 1942 मनखे मन के इलाज मोबाइल मेडिकल यूनिट के चिकित्सा दल डहार ले स्लम बस्ती म मनखे मन के घर के तीर ही पहुंचके करे गेहे।
मुख्यमंत्री शहरी स्लम स्वास्थ्य योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा उपलब्ध करावत हे । ए योजना के माध्यम ले अब तक 10 लाख 57 हजार 451 मरीज के पैथालॉजी टेस्ट करे गेहे । संगेसंग 37 लाख 41 हजार 312 ले जादा मरीज ल मुफत दवा घलो दे गेहे । लाभान्वित मरीज म 2 लाख 76 हजार 663 ले जादा मेहनत-मजदूरी करइया मनखे मन ह घलो मुफत इलाज जांच सुविधा के फायदा उठाए हे ।
नगरीय प्रशासन अउ विकास विभाग डहार ले संचालित मुख्यमंत्री शहरी स्लम स्वास्थ्य योजना के तहत अब तक राज्य के 169 नगरीय निकाय के स्लम बस्ती म 58 हजार 168 कैम्प लगाके मनखे मन ल मुफत जांच अउ उपचार कर दवाई दे गेहे । गौरतलब हे कि राज्य के 14 नगर निगम क्षेत्र के स्लम बस्ती म रहवइया मनखे मन ल स्वास्थ्य सुविधा मुहैया कराए बर मुख्यमंत्री शहरी स्लम स्वास्थ्य योजना के पहला चरण के सुरूआत 01 नवम्बर 2020 को होए रिहीन ।
No Comment! Be the first one.