chhattisgarh के सबो सहर म मुख्यमंत्री स्लम स्वास्थ्य योजना ल 21 फरवरी तक करे जाही सुरु, पढ़व
जय जोहार…. (chhattisgarh) मुख्यमंत्री भूपेश बघेल ह ए गणतंत्र दिवस म राज्य के सबो सहर की स्लम बस्ती म रहवाइया ल एक ठीन बड़का सौगात दीन हे। अब इहां के रहवाइया मन के इलाज बर अस्पताल जाय या खून के जांच अउ आन स्वास्थ्य परीक्षण बर एति -ओती नई भटके ल पड़ही । अब ओखर इलाका म मोबाइल मेडिकल यूनिट चिकित्सक के समेत खड़ा रही, जिहां 42 ठीन प्रकार के टेस्ट के मुफत सुविधा घलो होही अउ मुफत दवाई घलो मिलही। एखर बर ‘‘मुख्यमंत्री स्लम स्वास्थ्य योजना’’ सबो 169 सहर म सुरु करे के घोसना करे गेहे ।
पूर्व म ये योजना (chhattisgarh) राज्य के सबो 14 नगर पालिक निगम म 1 नवम्बर 2020 ले सफलता पूर्वक संचालित होत रिहीन। इस योजना ल मुख्यमंत्री ह सबो सहर म एला लागू करे के निर्णय लेहे । ये निर्णय ह कोरोना महामारी के मद्देनजर अउ घलो कारगर साबित होही, क्योंकि चिकित्सक ले मिले ल मनखे अब अस्पताल नई जाय ल पड़ही ।
वर्तमान म (chhattisgarh) राज्य के 14 नगरीय निकाय म 60 मोबाइल मेडिकल यूनिट (एमएमयू) के माध्यम ले योजना का क्रियान्वयन ल संबंधित जिला कलेक्टर के अध्यक्षता म करे जात हे। मुख्यमंत्री के घोसना के बाद वर्तमान म सेवारत 60 एमएमयू म अतिरिक्त 60 एमएमयू ल सामिल करे जाही । अइसनहे प्रदेस के 169 सहर म 120 एमएमयू के माध्यम ले योजना के संचालन करे जाही। मुख्यमंत्री के घोसना के बाद योजना ल 21 फरवरी 2022 तक प्रारंभ करे के लक्ष्य निर्धारित करे गेहे ।
