Raipur : मुख्यमंत्री ह करीन छेरापहरा के रस्म ले श्री जगन्नाथ रथ यात्रा के सुरुआत

जय जोहार। (Raipur) मुख्यमंत्री भूपेश बघेल ह आज रईपुर के गायत्री नगर स्थित जगन्नाथ मंदिर म छेरापहरा के रस्म पूरा कर सोने के झाड़ू ले बुहारी लगाके रथ यात्रा के सुरुआत करीन। एखर पहले मुख्यमंत्री ह यज्ञसाला के अनुष्ठान म सम्मलित होइन अउ हवन कुण्ड के परिक्रमा कर पूजा-अर्चना करीन । वो हा श्री जगन्नाथ मंदिर म महाप्रभु जगन्नाथ, ओखर बड़े भाई बलभद्र अउ बहन सुभद्रा के आरती करीन । मुख्यमंत्री भूपेश बघेल ह मंदिर म पूजा-अर्चना कर प्रदेस वासी मन के सुख, समृद्धि अउ खुशहाली के कामना करीन ।

उल्लेखनीय हे कि भगवान जगन्नाथ ओडिशा अउ छत्तीसगढ़ के संस्कृति ले समान रूप ले जुड़े हे । रथ-दूज के ये तिहार ओडिशा के तरह छत्तीसगढ़ के संस्कृति के घलो अभिन्न हिस्सा हे । छत्तीसगढ़ के सहर म आज के दिन भगवान जगन्नाथ के रथयात्रा निकाके के परंपरा सदी ले चले आत हे । उत्कल संस्कृति अउ दक्षिण कोसल के संस्कृति के बीच के ये साझेदारी अटूट हे ।