Chief Minister Bhupesh Baghel ह आज ले फेर बस्तर संभाग के दउरा म, दंतेवाड़ा विधानसभा म मनखे मन ले करही भेंट-मुलाकात
जय जोहार। मुख्यमंत्री भूपेश बघेल (Chief Minister Bhupesh Baghel) ह अपन राज्यव्यापी भेंट-मुलाकात कारीकरम के तहत आज ले फेर बस्तर संभाग के दउरा म जाही। मुख्यमंत्री ह 23 मई के दंतेवाड़ा विधानसभा के दउरा करही । सीएम ह 23 मई के कटे कल्याण अउ बारसूर म स्थानीय ग्रामीण मन ले भेंट-मुलाकात करही । सँझा के दंतेवाड़ा म आयोजित आदिवासी सम्मेलन म सामिल होही। एखर बाद आने आने समाज के प्रतिनिधि अउ संघ के पदाधिकारी मन ले रू-ब-रू होही।
मुख्यमंत्री भूपेश बघेल (Chief Minister Bhupesh Baghel) ह 23 मई के रईपुर ले बिहनिया 11 बजे हेलीकॉप्टर ले दंतेवाड़ा जिला के कटे कल्याण बर रवाना होही । सीएम ह मंझनिया सवा 12 बजे कटे कल्याण म भेंट-मुलाकात कारीकरम म ग्रामीण मन ले चर्चा करही । मुख्यमंत्री ह मंझनिया 1:20 बजे कटे कल्याण ले हेलीकॉप्टर ले बारसूर बर प्रस्थान करही अउ मनखे मन ले भेंट-मुलाकात करही ।
मुख्यमंत्री भूपेश बघेल (Chief Minister Bhupesh Baghel) ह मंझनिया 03:35 बजे बारसूर ले हेलीकॉप्टर डहार ले रवाना होके 03:55 बजे दंतेवाड़ा पहुंचही । सीएम ह दंतेवाड़ा म संझा साढ़े चार बजे आदिवासी सम्मेलन म सामिल होही । मुख्यमंत्री ह साढ़े पांच बजे दंतेवाड़ा म आने आने समाज के प्रतिनिधि मंडल अउ संघ के पदाधिकारी मन ले मुलाकात करही । सीएम ह दंतेवाड़ा म रात्रि विश्राम करही ।
