chhattisgarh : सीएम भूपेश बघेल ह 2 अउ 3 अक्टूबर के रही बेमेतरा अउ मुंगेली जिला के दौरा म, पढ़व
जय जोहार…. (chhattisgarh ) मुख्यमंत्री भूपेश बघेल 2-3 अक्टूबर के बेमेतरा अउ मुंगेली जिले के दौरा म रही। निर्धारित दौरा कारीकरम के अनुसार मुख्यमंत्री बघेल ह मंझनिया 12.30 बजे रईपुर के पुलिस गाउंड ले हेलीकॉप्टर ले प्रस्थान करके जिला मुख्यालय बेमेतरा पहुंचही। उहाँ मंझनिया 1.15 बजे स्वामी आत्मानंद इंग्लिश मीडियम स्कूल के प्रयोगशाला अउ ग्रंथालय के सुभारंभ करही।
मुख्यमंत्री बघेल ह मंझनिया 2.20 बजे राम मंदिर परिसर म महात्मा गांधी प्रतिमा के अनावरण समारोह म सामिल होही। एखर बाद 3.30 बजे बेसिक शाला ग्राउंड म आयोजित किसान सम्मेलन ल सम्बोधित करही। (chhattisgarh ) सीएम बघेल ह संझा 6.30 बजे सर्किट हाउस म समाज के प्रमुख अउ रात 8 बजे अधिकारी मन ले चर्चा करही।
मुख्यमंत्री बघेल ह अवइया 3 अक्टूबर के बेमेतरा के सर्किट हाउस म बिहनिया 10 बजे प्रेस कॉन्फ्रेंस लेही। (chhattisgarh ) ओ हा सर्किट हाउस म ही 11 बजे ‘‘12 आवर स्वस्थ भारत, संपन्न भारत टेलीथोन‘‘ के कारीकरम म वीडियो कॉन्फ्रेंसिंग ले सामिल होही। सीएम बघेल ह जिला चिकित्सालय म 11.25 बजे ऑक्सीजन प्लांट के उद्घाटन करही । सीएम बघेल ह इहां ले प्रस्थान करके 12.30 बजे मुंगेली पहुंचही।
