godhan nyay yojana : सीएम ह हितग्राही मन ल 8 करोड़ 63 लाख रूपिया के करीन अंतरण, पढ़व

जय जोहार। (godhan nyay yojana) सीएम भूपेश बघेल ह आज मुख्यमंत्री निवास कार्यालय म वर्चुअल कार्यक्रम के माध्यम ले गोधन न्याय योजना के अंतर्गत पशुपालक ग्रामीण, गौठान ले जुड़े महिला समूह अउ गौठान समिति ल 8 करोड़ 63 लाख रुपिया के रासि ऑनलाईन जारी करीन । ए योजना के हितग्राही मन ल अब तक 412.19 करोड़ रुपिया के भुगतान करे जा चुके हे । एखर संग ए योजना के सुरू होय ले अब तक कुल 105 लाख 63 हजार क्विंटल गोबर के खरीदी करे गेहे। एखर एवज म गोबर विक्रेता ल आज 4.76 करोड़ रुपिया के भुगतान के बाद 211 करोड़ 25 लाख रुपिया के रासि प्रदान करे गेहे ।

ए अवसर म मुख्यमंत्री ह गौपालक, पशुपालक, महिला समूह अउ गौठान समिति ल बधाई अउ सुभकामना दीन । वोहा किहीन कि गोधन न्याय योजना ले लाभान्वित पशुपालक म 59 प्रतिशत के वृद्धि होए हे अउ गोबर खरीदी म 85 प्रतिशत के वृद्धि होइन हे । मुख्यमंत्री ह किहीन कि काली हमन ह शिवाजी के मूर्ति के अनावरण करीन , ये मूर्ति ल प्राकृतिक पेंट डहार ले पोताई करे गे रिहीन, ये अच्छा बात हे कि गोबर ले बनाए पेंट के आमजनता डहार ले उपयोग करे जावत हे ।

मुख्यमंत्री ह किहीन कि आज अंतरित करे जावत कुल रासि म ले 4 करोड़ 76 लाख रुपिया के भुगतान गोबर खरीदी के एवज म करे गीन। एमा ले 2 करोड़ 6 लाख रुपिया के रासि विभाग अउ 2 करोड़ 70 लाख रुपिया के रासि स्वावलंबी गौठान डहार ले भुगतान करे गेहे। वोहा किहीन कि राज्य म 10 हजार 732 गौठान स्वीकृत करे गेहे, जेमा ले 9 हजार 720 निर्मित होके संचालित होवत हे।