CM Bhupesh Baghel ह चंदूलाल चंद्राकर के प्रतिमा के करीन अनावरण
जय जोहार। सीएम भूपेश बघेल (CM Bhupesh Baghel) ह राजनांदगांव जिला के ग्राम पंचायत भर्रेगांव म प्रखर पत्रकार अउ पूर्व सांसद स्वर्गीय चंदूलाल चंद्राकर के पुण्यतिथि म ओखर प्रतिमा के अनावरण करीन । ए अवसर म मुख्यमंत्री ह ओखर प्रतिमा म पुष्प अर्पित कर ओमन ल नमन करीन अउ ओखर प्रदेस बर योगदान ल याद करीन । मुख्यमंत्री ह किहीन कि स्वर्गीय चंदूलाल चंद्राकर ह अपन पूरा जिनगी छत्तीसगढ़ राज्य के विकास अउ राज्य की सांस्कृतिक धरोहर ल सहेजे म लगाइन।
मुख्यमंत्री ह ए मउका म स्वर्गीय चंदूलाल चन्द्राकर के परिवारजन ले सौजन्य भेंट करीन । उल्लेखनीय हे कि स्वर्गीय चंदूलाल चंद्राकर वरिष्ठ राजनेता रिहीन । वे केन्द्र म पर्यटन, नागरिक उड्डयन, कृषि, ग्रामीण मंत्री रिहीन । देस के कई नामी अखबार के संपादक घलो रिहीन । छत्तीसगढ़ राज्य सरकार डहार ले पत्रकारिता म ओखर दे गे योगदान बर चंदूलाल चंद्राकर पत्रकारिता पुरस्कार दे जात हे।
