Raipur : सीएम भूपेश बघेल ह छत्रपति शिवाजी के मूर्ति के करीन अनावरण

जय जोहार। (Raipur ) मुख्यमंत्री भूपेश बघेल ह आज जिला मुख्यालय राजनांदगांव के बूढ़ासागर स्थित छत्रपति शिवाजी पार्क म छत्रपति शिवाजी के मूर्ति के अनावरण करीन। ए अवसर म मुख्यमंत्री श्री बघेल ह शासन के विभिन्न जनकल्याणकारी योजना ले लाभान्वित हितग्राही मन ल 4 करोड़ 70 लाख 47 हजार 988 रुपिया के चेक अउ छत्तीसगढ़ अनाधिकृत विकास के नियमितीकरण प्रमाण-पत्र प्रदान करीन । मुख्यमंत्री ह चिटफण्ड कंपनी सहारा इंडिया म निवेश करइया 4 हजार 309 निवेशक ल 2 करोड़ 84 लाख 20 हजार 238 रुपिया के चेक प्रदान करीन।

ए अवसर म मुख्यमंत्री श्री बघेल ह किहीन कि इतिहास पुरूष छत्रपति वीर शिवाजी के स्मृति म आज ओखर मूर्ति के अनावरण करे गीन। ए कार्यक्रम म शासन के विभिन्न योजना के अंतर्गत हितग्राही मन न रकम के वितरण करे जात हे । वोहा किहीन कि आज सहारा इंडिया के 4 हजार 309 निवेशक ल ओखर गाढ़े पसीने के कमाई के निवेश करे गे 2 करोड़ 84 लाख 20 हजार 238 रुपिया चेक के माध्यम ले लहुटाय जात हे ।

ए कार्यक्रम म अध्यक्ष छत्तीसगढ़ राज्य ग्रामीण अउ अन्य पिछड़ा वर्ग क्षेत्र विकास प्राधिकरण दलेश्वर साहू, खुज्जी विधायक छन्नी साहू, अध्यक्ष छत्तीसगढ़ राज्य अंत्यावसायी सहकारी वित्त अउ विकास निगम धनेश पाटिला, अध्यक्ष छत्तीसगढ़ राज्य युवा आयोग जितेन्द्र मुदलियार, अध्यक्ष जिला सहकारी केन्द्रीय बैंक मर्यादित नवाज खान, अध्यक्ष राजगामी संपदा न्यास विवेक वासनिक, नगर पालिक निगम राजनांदगांव के अध्यक्ष हरिनारायण धकेता उपस्थित रिहीन ।