Chief Minister Urban Slum Health Scheme : अब तक 39.76 लाख ले जादा मनखे मन के होइन मुफत इलाज, पढ़व

जय जोहार। मुख्यमंत्री शहरी स्लम स्वास्थ्य योजना (Chief Minister Urban Slum Health Scheme) के माध्यम ले अब तक 39 लाख 76 हजार 285 मनखे मन के इलाज मोबाइल मेडिकल यूनिट के चिकित्सा दल डहार ले स्लम बस्ती म पहुंचके करे गेहे। ए योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा उपलब्ध करात हे। ए योजना के माध्यम ले अब तक 9 लाख 18 हजार 484 मरीज ल पैथालॉजी टेस्ट के सुविधा मुहैया कराय के संग ही 33 लाख 65 हजार 323 ले जादा मरीज ल मुफत दवा दे गेहे । ए योजना के तहत लाभान्वित मरीज म 2 लाख 64 हजार 973 श्रमिक घलो हे।

छत्तीसगढ़ सासन के नगरीय प्रसासन अउ विकास विभाग डहार ले संचालित मुख्यमंत्री शहरी स्लम स्वास्थ्य योजना के तहत अब तक राज्य के 169 नगरीय निकाय के स्लम बस्ती म 52 हजार 892 कैम्प लगाके मनखे मन के मुफत जांच अउ उपचार कर के दवाई दे गेहे। । नगरीय प्रसासन अउ विकास मंत्री डॉ. शिवकुमार डहरिया ह नगरीय क्षेत्र के तंग बस्ती अउ अन्य जरूरत मंद मनखे मन के स्वास्थ्य परीक्षण कर ओमन ल मुफत दवा उपलब्ध कराए जाए के निर्देस विभागीय अधिकारी ल देहे ।

गौरतलब हे कि राज्य के 14 नगर निगम क्षेत्र के स्लम बस्ती म रहवइया मनखे मन ल स्वास्थ्य सुविधा मुहैया कराय बर मुख्यमंत्री शहरी स्लम स्वास्थ्य योजना के पहिला चरण के सुरुवात 1 नवम्बर 2020 के होए रिहीन । एखर तहत 60 मोबाइल मेडिकल यूनिट डहार ले स्लम बस्ती म जाके मनखे मन के स्वास्थ्य परीक्षण, उपचार अउ दवा वितरण के सुरुवात करे गे रिहीन ।