मुख्यमंत्री विष्णु देव साय ह तातापानी महोत्सव म विभागीय स्टॉल के करिन अवलोकन

रायपुर। मुख्यमंत्री विष्णु देव साय ह आज तातापानी महोत्सव के शुभारंभ अवसर म  विभिन्न शासकीय विभाग द्वारा लगाए गे स्टॉल के अवलोकन करके स्थानीय कला, संस्कृति अउ सरकारी योजना के प्रभाव ल करीब ले देखिन।

मुख्यमंत्री साय ह राजपुर के आरा ग्राम के निवासी शिवमंगल ले मुलाकात करिन, जेन 25 बछर ले कुम्हार के काम करत हें। शिवमंगल ह बतायिन कि विद्युत चाक मिले ले उखर जीविका चलना आसान होगे हे। उखर परिवार पारंपरिक मिट्टी के बर्तन बनाके सालाना 2-3 लाख रुपया के आय अर्जित करत हे। शिवमंगल के कला ल महोत्सव म प्रदर्शित करे गिस, जिहां मटका, कुल्हड़ अउ अन्य मिट्टी के बर्तन के जीवंत प्रदर्शनी लगाए गिस। मुख्यमंत्री ह पारंपरिक कला ल प्रोत्साहन देय बर ओखर सराहना घलो करिन। ए बेर मुख्यमंत्री ह बुनकर सौदन सिंह के आग्रह म गांधीजी के आत्मनिर्भरता के प्रतीक चरखा ल घलो चलायिन। मुख्यमंत्री ह कहिन कि स्वावलंबन अउ आत्मनिर्भरता ल बढ़ावा देय बर राज्य सरकार हरसंभव प्रयास करत हे।

मुख्यमंत्री ह 28 विभाग के लगाए थीम-आधारित स्टॉल के अवलोकन करिन। ए स्टॉल म आजीविका मॉडल, अमृत सरोवर, जैव विविधता संरक्षण, जैविक खेती, उन्नत कृषि तकनीक, फूल के खेती, सौर सुजला योजना, जल जीवन मिशन, यातायात जागरूकता, पशु रोग नियंत्रण अउ नालंदा परिसर मॉडल जइसन योजना के प्रदर्शन करे गिस। श्रृंगार सदन स्टॉल म लाइव बैंगल अउ चूड़ी बनाए के विधि के प्रदर्शन करे गिस। मिलेट कैफे म स्थानीय मिलेट ले बने स्वादिष्ट भोज्य पदार्थ के प्रदर्शनी लगिस, जबकि ट्राइबल फूड स्टॉल म आदिवासी परंपरा, वाद्य यंत्र, बांस के कलाकृति अउ देवगुड़ी के झलक प्रस्तुत करे गिस।

मुख्यमंत्री ह कहिन कि ए प्रदर्शनी के माध्यम ले स्थानीय समुदाय ल सशक्त बनाए अउ उखर सांस्कृतिक धरोहर ल सहेजे के प्रयास करे जात हे। ओमन ह स्टॉल संचालक अउ प्रतिभागी मन के सराहना करत कहिन कि ए आयोजन स्थानीय कला, संस्कृति अउ सरकारी योजना ल जन-जन तक पहुंचाए के बढ़िया माध्यम हे।