Raipur : सीएम भूपेश बघेल ह गंधेश्वर नाथ मंदिर म करीन दर्शन

जय जोहार । (Raipur) सीएम भूपेश बघेल ह आज सिरपुर के गंधेश्वर नाथ मंदिर म विधिवत पूजन कर प्रदेश वासी मन के सुख समृद्धि अउ खुशहाली के कामना करीन । मुख्यमंत्री के शंखध्वनि अउ मंत्रोच्चार के संग मंदिर द्वार म स्वागत करे गीन । वोहा गंधेश्वर नाथ मंदिर ट्रस्ट के सदस्य के संग चर्चा करीन अउ मंदिर के संबंध म जानकारी लीन।

मुख्यमंत्री ह गंधेश्वरनाथ मंदिर प्रांगण म कदंब के पौधा के घलो रोपण करीन । मुख्यमंत्री ह मंदिर प्रांगण ले महानदी के सुंदर तट के अवलोकन घलो करीन । वोहा मंदिर परिसर म स्थापित प्राचीन मूर्ति ल घलो देखीन । मंदिर ट्रस्ट के सदस्य मन ह मुख्यमंत्री ल प्रतीक चिन्ह घलो भेंट करीन।

सिरपुर के गंगेश्वर नाथ मंदिर के अपन आप में ऐतिहासिक पुरातात्विक अउ आध्यात्मिक महत्व हे । मान्यता हे कि ए मंदिर म शिवभक्त ल भगवान शिव के शिवलिंग ले बिहनिया , मंझनिया अउ संझा म अलग-अलग खुशबु के एहसास मिलत हे । अइसे माने जात हे कि बिहनिया के पूजा के बेरा शिवलिंग ले चंदन के खुशबू आत हे । मंझनिया म केसर के सुगंध अउ संझा पूजन के बेरा गुलाब के खुशबू के एहसास होत हे।