मुख्यमंत्री ह कंवर समाज के वार्षिक सम्मेलन म होहि शामिल

रायपुर। मुख्यमंत्री विष्णु देव साय के मुख्य आतिथ्य म 14 जनवरी के जशपुर जिला के पमशाला म अखिल भारतीय कंवर समाज के तीन दिवसीय वार्षिक सम्मेलन के शुभारंभ होहि। शुभारंभ कार्यक्रम के अध्यक्षता डॉ. नंद कुमार साय करहि। मुख्यमंत्री विष्णु देव साय ए अवसर म जशपुर जिला ल 87. करोड़ 31 लाख 98 हजार रूपया के विकास कार्य के सौगात दिही, जेमा 85 करोड़ रूपया के लागत वाले 483 कार्य के भूमिपूजन अउ 2.23 करोड़ के लागत ले निर्मित 24 कार्य के लोकार्पण शामिल हे।   

कार्यक्रम म विधायक गोमती साय, लालजीत सिंह राठिया, फूल सिंह राठिया, पूर्व मंत्री सत्यानंद राठिया, पूर्व विधायक शिवशंकर साय अउ रोहित साय, एम.एस. पैकरा, अखिल भारतीय कंवर समाज के महिला प्रभाग के पूर्व अध्यक्ष कौशल्या देवी साय विशिष्ठ अतिथि होहि।