CM Bhupesh Baghel ह आज छत्तीसगढ़ पुलिस राज्य स्तरीय खेलकूद प्रतियोगिता के समापन समारोह न होही सामिल

जय जोहार। सीएम भूपेश बघेल (CM Bhupesh Baghel) ह आज छत्तीसगढ़ पुलिस राज्य स्तरीय खेलकूद प्रतियोगिता के समापन समारोह म सामिल होही । समापन समारोह के आयोजन संझा 4.30 बजे पी.टी.एस. माना कैंप, रायपुर म करे जाही । समापन समारोह म अति विशिष्ट अतिथि गृहमंत्री ताम्रध्वज साहू अउ विशिष्ट अतिथि संसदीय सचिव विकास उपाध्याय होही ।

ये पहिली घांव हे जब छत्तीसगढ़ म आल इंडिया पुलिस स्पोर्ट्स मीट के तर्ज म तीन दिन के छत्तीसगढ़ पुलिस राज्य स्तरीय खेलकूद प्रतियोगिता के आयोजन करे गीन। छत्तीसगढ़ के स्थानीय खेलकूद ल बढ़ावा दे बर प्रतियोगिता म छत्तीसगढ़िया ओलंपिक के दू खेल रस्सा-कसी अउ गेंडी दौड़ ल घलो सामिल करे गे रिहीन। प्रतियोगिता म छत्तीसगढ़ के सबो जिला के पुलिस, सबो बटालियन के जवान अउ अधिकारी ह सामिल होइन ।

मुख्यमंत्री भूपेश बघेल ह समापन अवसर म प्रतियोगिता के विजेता खिलाड़ी ल पुरस्कार वितरण करही । समापन अवसर म छत्तीसगढ़ पुलिस के फेंसिंग टीम, कराटे टीम, पुलिस डॉग अउ अश्व दल डहार ले प्रस्तुति घलो दे जाही।