Raipur : सीएम भूपेश बघेल ह काली डॉ. खूबचंद बघेल के जयंती समारोह म वर्चुअल माध्यम ले होही सामिल

जय जोहार…. (Raipur ) मुख्यमंत्री भूपेश बघेल ह काली सोमवार के मंझनिया 12 बजे अपन निवास कार्यालय ले छत्तीसगढ़ राज्य निर्माण के प्रथम स्वप्नदृष्टा डॉ. खूबचंद बघेल के जयंती समारोह म वर्चुअल माध्यम ले सामिल होही। ए कारीकरम के आयोजन ल संस्कृति अउ पुरातत्व विभाग डहार ले महंत घासीदास स्मारक संग्रहालय रईपुर के सभागार म करे गे हे।

ए समारोह केअवसर म मुख्यमंत्री बघेल डहार ले डॉ. खूबचंद बघेल के परिवारजन, स्वतंत्रता संग्राम सेनानी के उत्तराधिकारी मन के सम्मान करे जाहि। (Raipur ) ए मउका म संस्कृति मंत्री अमरजीत भगत महंत घासीदास स्मारक संग्रहालय परिसर म डॉ. बघेल म केन्द्रित प्रदर्सनी के लोकार्पण करहि।

(Raipur) कारीकरम के दुसरइया सत्र म डॉ. खूबचंद बघेल के व्यक्तित्व अउ कृतित्व के संबंध म संगोष्ठी आयोजित करे जाहि। पंडित रविशंकर शुक्ल विश्वविद्यालय के कुलपति डॉ. के. एल. वर्मा, वरिष्ठ साहित्यकार डॉ. परदेशीराम वर्मा, श्री जागेश्वर प्रसाद, डॉ. सत्यभामा आडिल, श्री छत्रपाल सिरमौर, राजेन्द्र कुमार वर्मा, अमित बघेल अउ विष्णु बघेल संस्मरण प्रस्तुत करहि।