chhattisgarh: सीएम भूपेश बघेल ह 21 जून के बीजापुर, बस्तर अउ सुकमा जिला ल देही विकास काम के सौगात, पढ़व
जय जोहार…. (chhattisgarh) सीएम भूपेश बघेल ह सोमवार के बीजापुर, बस्तर अउ सुकमा जिला ल 641 करोड़ रुपिया के वीएक्स अउ निर्माण काम के सौग़ात देही। जेमा बीजापुर जिला ल 380.36 करोड़, बस्तर ल 167. 21 करोड़ अउ सुकमा जिला ल 94.10 करोड़ रूपया के विकास काम सामिल हे।
(chhattisgarh) मुख्यमंत्री बघेल ह विकास काम के लोकार्पण अउ भूमिपूजन के वर्चुअल कारीकरम के दौरान ए तीन जिला के महिला स्व-सहायता समूह अउ सासन के अलग -अलग योजना ले लाभान्वित हितग्राही मन ले चर्चा करही। उहें योजना अउ कारीकरम के क्रियान्वयन के स्थिति के घलो मूल्यांकन करही।
मुख्यमंत्री बघेल ह बस्तर जिला म 99.30 करोड़ रुपिया के लागत के 46 ठिन काम के भूमिपूजन अउ 67.91 करोड़ रूपया के लागत के 24 ठिन काम के लोकार्पण करही। (chhattisgarh) अइसने बीजापुर जिला म 248.44 करोड़ रुपिया के लागत के 425 ठिन काम के भूमिपूजन अउ 131.92 करोड़ रुपिया के लागत के 296 ठिन काम के लोकार्पण करही। अइसने सुकमा जिला म 53 करोड़ रूपया के लागत के 31 ठिन काम के भूमिपूजन अउ 41.10 करोड़ रुपिया के लागत के 57 ठिन काम के लोकार्पण होही।
