chhattisgarh : सीएम भूपेश बघेल ह काली बिलासपुर जिला ल 313.55 करोड़ रुपिया के विकास काम के देही सौगात, पढ़व
जय जोहार। (chhattisgarh ) मुख्यमंत्री भूपेश बघेल ह 25 फरवरी के बिलासपुर प्रवास के दउरान जिला वासी मन ल 313.55 करोड़ रुपिया के विकास अउ निर्माण काम के सौगात देही, जेमा 243.56 करोड़ के लागत के 348 काम के लोकार्पण अउ 70 करोड़ रुपिया के लागत के 40 काम के भूमिपूजन सामिल हे ।
(chhattisgarh) मुख्यमंत्री भूपेश बघेल ह बिलासपुर के लाल बहादुर शास्त्री स्कूल मैदान म आयोजित कारीकरम म जनसुविधा के विकास बर नगरपालिक निगम बिलासपुर, बिलासपुर स्मार्ट सिटी के तहत कराइन निर्माण काम समेत सड़क, शिक्षा अउ आवास सुविधा बर कराय निर्माण काम के लोकार्पण करही। मुख्यमंत्री ह ए मउका म नगर निगम क्षेत्र बिलासपुर समेत जिला म सड़क, स्वास्थ्य अउ बुनियादी सुविधा के विकास बर 69.99 करोड़ रुपिया के लागत के 40 काम के आधारशिला घलो रखही ।
मुख्यमंत्री भूपेश बघेल ह निर्धारित दौरा कारीकरम के अनुसार 25 फरवरी के मंझनिया डेढ़ बजे राजधानी रईपुर के पुलिस लाईन ले हेलीकॉप्टर ले प्रस्थान कर 1.55 बजे बिलासपुर जिला के डी.पी.एस. स्कूल तिफरा पहुंचेही। (chhattisgarh ) मुख्यमंत्री श्री बघेल ह मंझनिया 2.10 बजे तिफरा म फ्लाई ओवर के लोकार्पण करही । श्री बघेल राजीव गांधी चौक बिलासपुर म मंझनिया 2.20 बजे स्वर्गीय राजीव गांधी की प्रतिमा म माल्यार्पण करही। एखर बाद मंझनिया 2.25 बजे प्लेनेटोरियम स्कूल पहुंचही अउ सैक्षणिक सुविधा के मुआयना अउ लोकार्पण करे के संग ही स्कूली लईका मन ले संवाद करही ।
