chhattisgarh: मुख्यमंत्री भूपेश बघेल ह काली जगदलपुर म करही ध्वजारोहण, पढ़व
जय जोहार…. (chhattisgarh) मुख्यमंत्री भूपेश बघेल ह 26 जनवरी के जिला मुख्यालय जगदलपुर के लालबाग परेड ग्राउंड म आयोजित गणतंत्र दिवस मुख्य समारोह म ध्वजारोहण करही अउ उहाँ आयोजित कई ठीन कारीकरम म सामिल होही। जगदलपुर के कारीकरम म सामिल होय के बाद मुख्यमंत्री ह दुर्ग जिला के पाटन विकासखंड के आने आने गांव के दौरा म रही ।
निर्धारित दौरा कारीकरम के अनुसार (chhattisgarh) मुख्यमंत्री श्री बघेल ह सर्किट हाउस जगदलपुर ले प्रस्थान कर बिहनिया 8.55 बजे लालबाग ग्राउंड पहुंचही अउ गणतंत्र दिवस मुख्य समारोह म सामिल होही । एखर बाद सीएम बघेल ह बिहनिया 9.50 बजे सिरहासार चौक जाही, इहां अमर जवान ज्योति म शहीद मन ल श्रद्धांजलि अर्पित करही । मुख्यमंत्री मां दंतेश्वरी मंदिर म दर्सन करे के बाद नवीनीकृत राजा रूद्रप्रतापदेव टाउन क्लब के लोकार्पण घलो करही ।
(chhattisgarh) मुख्यमंत्री श्री बघेल ह बिहनिया 10.50 बजे सिरहासार चौक ले गीदम रोड पहुंचही अउ शहीद गुण्डाधुर प्रतिमा म माल्यार्पण करे के बाद शहीद गुण्डाधुर के वंशज मन ले भेंट करही । एखर बाद सीएम ह जगदलपुर के एयरपोर्ट ले प्रस्थान कर के मंझनिया 1.25 बजे दुर्ग जिला के पाटन विकासखंड के ग्राम बेल्हारी अउ 2.15 बजे जामगांव (आर) पहुंचही अउ इहां स्थानीय कारीकरम म सामिल होही ।
