जय जोहार। मुख्यमंत्री भूपेश बघेल ह 24 मई के दंतेवाड़ा म प्रधानमंत्री फसल बीमा योजना के तहत राज्य के 1 लाख 44 हजार 966 किसान मन ल 297 करोड़ 9 लाख रुपिया के दावा रासि के वितरण के सुभारंभ करही । फसल दावा बीमा रासि के ए वितरण कारीकरम म कृषि अउ जल संसाधन मंत्री रविन्द्र चौबे समेत आन मंत्री अउ जनप्रतिनिधि ऑनलाईन सामिल होही ।
प्रधानमंत्री फसल बीमा योजना के अंतर्गत राज्य के 17 जिला के 1,44,966 किसान मन ल बीमा के ये रासि ल रबी सीजन 2021-22 म मौसम की खराबी के सेती फसल ल नुकसान अउ उत्पादन म कमी के क्षतिपूर्ति के रूप म दे जाही ।
गौरतलब हे कि रबी सीजन 2021-22 म राज्य के 2,31,946 किसान मन के रबी फसल चना, गेंहू, राई, सरसों, अलसी के बीमा करे रिहीन । मौसम के खराबी के सेती फसल ल नुकसान अउ कम उत्पादन के सेती किसान मन ल 297.09 करोड़ रुपिया के दावा रासि के भुगतान करे जात हे, जेन प्रीमियम रासि के लगभग दुगुना हे ।
No Comment! Be the first one.