जय जोहार। सीएम भूपेश बघेल (CM Bhupesh Baghel) ह प्रदेस व्यापी भेंट-मुलाकात अभियान के तहत 8 मई के मुंगेली जिला के अंतर्गत लोरमी विधानसभा क्षेत्र के दउरा करही अउ ग्रामीण मन ले भेंट-मुलाकात कर सासकीय योजना के क्रियान्वयन के फीडबैक लेही । चंदली म रीपा के अवलोकन कर समूह के प्रतिनिधि ले चर्चा करही अउ खुड़िया म जैव विविधता पार्क के अवलोकन कर ग्रामीण मन ले भेंट-मुलाकात करही ।
मुख्यमंत्री भूपेश बघेल ह निर्धारित दउरा कार्यक्रम के तहत 8 मई के पूर्वान्ह 11 बजे राजधानी स्थित अपने निवास कार्यालय म आभार कार्यक्रम म सामिल होय के बाद 11.45 बजे पुलिस ग्राउंड हेलीपेड रायपुर ले हेलीकॉप्टर डहार ले प्रस्थान कर मंझनिया 12.15 बजे विधानसभा क्षेत्र लोरमी के ग्राम चंदली पहुंचही । सीएम ह उंहा चंदली में रीपा के अवलोकन कर समूह के प्रतिनिधि ले चर्चा करही ।
सीएम ह एखर बाद 12.45 बजे चंदली ले हेलीकॉप्टर ले प्रस्थान कर ग्राम खुड़िया पहुंचेही, इंहा मंझनिया 1 बजे मंदिर दर्शन अउ स्वर्गीय राजीव गांधी के प्रतिमा म माल्यार्पण कर जैव विविधता पार्क के अवलोकन अउ हितग्राही ले चर्चा करही । मुख्यमंत्री ह ग्राम खुड़िया म ग्रामीण मन ले भेंट-मुलाकात कर सासन के योजना के क्रियान्वयन के जानकारी घलो लेही ।
सीएम ह मंझनिया 3 बजे ग्राम खुड़िया ले हेलीकॉप्टर डहार ले लोरमी बर प्रस्थान करही । सीएम ह लोरमी के रेस्ट हाउस म 3.40 बजे से समाज के प्रतिनिधि मंडल ले भेंट करही । मुख्यमंत्री ह 4.45 बजे लोरमी ले हेलीकॉप्टर ले प्रस्थान कर संझा 5.15 बजे पुलिस ग्राउंड हेलीपेड रायपुर लहुट आही ।
