chhattisgarh : मुख्यमंत्री ह आज कुनकुरी विधानसभा क्षेत्र म करही जनता ले भेंट-मुलाकात
जय जोहार। (chhattisgarh) मुख्यमंत्री भूपेश बघेल ह के भेंट-मुलाकात अभियान के तहत आज जशपुर जिला के कुनकुरी विधानसभा क्षेत्र म जनता ले सीधा रूबरू होही । मुख्यमंत्री कुनकुरी विधानसभा क्षेत्र के कई ठीन गांव म मनखे मन ले भेंट-मुलाकात करे के संग सासकीय योजना अउ कार्यक्रम के क्रियान्वयन की स्थिति के जायजा अउ फीडबैक लेही। मुख्यमंत्री ह कुनकुरी म आने आने समाज अउ संगठनों के पदाधिकारी ले भेंट-मुलाकात, मीडिया प्रतिनिधि ले चर्चा, विकास अउ निर्माण काम के लोकार्पण-भूमिपूजन अउ रात्रि विश्राम घलो करही।
जारी दउरा कार्यक्रम के अनुसार (chhattisgarh) मुख्यमंत्री भूपेश बघेल ह आज बिहनिया 11 बजे रईपुर ले हेलीकाप्टर ले प्रस्थान कर 12.30 बजे जशपुर जिला के कुनकुरी विधानसभा क्षेत्र के ग्राम पगुराबहार (पमशाला) पहुंचही । मुख्यमंत्री ह पमशाला म मनखे मन ले भेंट-मुलाकात करे के बाद पतराटोली जाही, उहां 2.55 बजे ले जनता ले भेंट-मुलाकात करही। मुख्यमंत्री ह एखर बाद कुनकुरी विधानसभा क्षेत्र के ग्राम सलियाटोली म 4.35 बजे ले 5.50 बजे तक जनता ले भेंट-मुलाकात के बाद संझा 6 बजे कुनकुरी पहुंचही । कुनकुरी म 7 बजे से 9बजे तक आने आने समाज अउ संगठन के पदाधिकारी ले भेंट करही। मुख्यमंत्री कुनकुरी म ही रात्रि विश्राम करही ।
गौरतलब हे कि (chhattisgarh) मुख्यमंत्री भूपेश बघेल ह प्रदेस के सबो 90 विधानसभा क्षेत्र म जनता ले भेंट-मुलाकात अभियान की सुरुवात 4 मई ले करे हे। मुख्यमंत्री ह अब तक भेंट-मुलाकात अभियान के तहत सरगुजा अउ बस्तर संभाग के 11 जिला के 20 विधानसभा क्षेत्रों म जनता के बीच पहुंचके सासकीय योजना के क्रियान्वयन अउ जनता ल मिलत लाभ के बारे म जानकारी ले रिहीन ।
