जय जोहार। सीएम भूपेश बघेल (CM Bhupesh Baghel ) ह 11 फरवरी के अभनपुर विधानसभा के ग्राम तामासिवनी अउ खोरपा म आमजन ले भेंट-मुलाकात करही ।
निर्धारित दउरा कार्यक्रम के अनुसार मुख्यमंत्री ह बिहनिया 11.30 बजे पुलिस ग्राउण्ड हेलीपेड रायपुर ले प्रस्थान करही अउ बिहनिया 11.45 बजे ग्राम चम्पारण पहुंचही। इंहा मंदिर पहुंचके महाप्रभु वल्लभाचार्य अउ चम्पेश्वर महादेव के दर्शन करही । एखर बाद भूमिपूजन कार्यक्रम म सामिल होके राम-वन-गमन परिपथ के अंतर्गत भगवान श्रीराम के प्रतिमा के स्थापना करही ।
मुख्यमंत्री ह चम्पारण ले मंझनिया 12.20 बजे हेलीकॉप्टर ले ग्राम तामासिवनी जाही, उंहा मंझनिया 12.35 बजे ले भेंट-मुलाकात कार्यक्रम म सामिल होही। मुख्यमंत्री श्री बघेल ह मंझनिया 1.55 बजे तामासिवनी ले ग्राम खोरपा बर प्रस्थान करही, उंहा मंझनिया 2.45 बजे ले आयोजित भेंट-मुलाकात कार्यक्रम म सामिल होही । ए कार्यक्रम के बाद मुख्यमंत्री ह संझा 4 बजे ग्राम खोरपा ले ग्राम चण्डी बर प्रस्थान करही,
उंहा संझा 4.10 बजे मंदिर पहुंचके मां चण्डी के दर्शन करही । मुख्यमंत्री ह ग्राम चण्डी ले 4.20 बजे प्रस्थान कर संझा 4.35 बजे अभनपुर रेस्ट हाउस पहुंचही । एखर बाद संझा 5.20 बजे ले विभिन्न जनप्रतिनिधि ले भेंट कर संझा 7.20 बजे अभनपुर ले प्रस्थान कर संझा 7.50 बजे रायपुर पहुंचही ।
