जय जोहार । सीएम भूपेश बघेल (CM Bhupesh Baghel) ह 11 मई के बिलासपुर जिला के मस्तूरी विधानसभा म आयोजित भेंट मुलाकात कार्यक्रम सहित अन्य कार्यक्रम म सामिल होंही । निर्धारित कार्यक्रम के अनुसार मुख्यमंत्री भूपेश बघेल ह बिहनिया 11 बजे राजधानी के पुलिस ग्राउण्ड हेलीपेड ले हेलीकॉप्टर डहार ले मस्तूरी विधानसभा क्षेत्र के ग्राम बेलटुकरी बर रवाना होही । मुख्यमंत्री ह ग्राम बेलटुकरी म 11.35 बजे रीपा अउ गौठान के अवलोकन करही अउ स्वसहायता समूह के महिला मन ले चर्चा करही ।
मुख्यमंत्री ह मंझनिया 12.15 बजे बेलटुकरी हेलीपेड ले हेलीकॉप्टर डहार ले सीपत बर रवाना होही । सीएम ह मंझनिया 12.35 बजे सीपत म मंदिर दर्शन कर भागवत कथा म सामिल होही । एखर बाद सीएम ह सीपत के महाविद्यालय मैदान म आयोजित भेंट-मुलाकात कार्यक्रम म सामिल होही ।
मुख्यमंत्री ह मंझनिया 3.30 बजे एनटीपीसी गेस्ट हाउस म विभिन्न प्रतिनिधिमंडल ले भेंट करही । एखर बाद सीएम ह 4.50 बजे सीपत हेलीपेड ले हेलीकॉप्टर डहार ले प्रस्थान कर संझा 5.20 बजे रायपुर के पुलिस ग्राउण्ड हेलीपेड पहुंचही ।
