CM Bhupesh Baghel ह 8 अप्रैल के भिलाई म भेंट-मुलाकात कार्यक्रम म होही सामिल

जय जोहार । सीएम भूपेश बघेल (CM Bhupesh Baghel) ह 8 अप्रैल के भिलाई के शांति नगर, दशहरा मैदान अउ नवीन कॉलेज ग्राउण्ड म आयोजित भेंट-मुलाकात कार्यक्रम समेत अन्य कार्यक्रम म सामिल होही।

सीएम भूपेश बघेल (CM Bhupesh Baghel) ह मंझनिया 12 बजे दुर्ग जिला के प्रथम बटालियन ग्राउण्ड, कातुलबोर्ड पहुंचही । उंहा सीएम ह नेहरू नगर गुरूद्वारा के तीर भेलवा तालाब के अवलोकन, मिलेट्स कैफे के सुभारंभ अउ सियान भेंट-मुलाकात कार्यक्रम म सामिल होही । एखर बाद मंझनिया 12.20 बजे मुख्यमंत्री ह नेहरू नगर स्थित राधाकृष्ण मंदिर पहुंचके दर्शन करही अउ पूजा कार्यक्रम म सामिल होही ।

एखर बाद मुख्यमंत्री श्री बघेल ह मंझनिया 12.30 बजे शांति नगर, दशहरा मैदान म आयोजित भेंट-मुलाकात कार्यक्रम स्थल पहुचही अउ स्थानीय मनखे मन ले संवाद करही । कार्यक्रम के बाद सीएम ह मंझनिया 1.50 बजे वैशाली नगर पहुंचही अउ वेंडिग जोन म मिलेट्स कैफे के लोकार्पण अउ हितग्राही ल प्रमाण पत्र वितरण करही । एखर बाद सीएम ह 2 बजे छावनी स्थित शहीद चुम्मन यादव के प्रतिमा के अनावरण करही ।

मुख्यमंत्री ह मंझनिया 3.10 बजे खुर्सीपार म स्वामी आत्मानंद स्कूल के लोकार्पण करही । सीएम ह 3.25 बजे नवीन कॉलेज मैदान म आयोजित भेंट-मुलाकत म सामिल होही अउ आमजन ले संवाद करही । एखर बाद मुख्यमंत्री ह संझा 5.45 बजे भिलाई निवास होटल म सामाजिक संगठन ले मुलाकात करही अउ संझा 7.40 बजे सिविक सेंटर स्थित अर्जुन रथ के लोकार्पण करही । एखर बाद रात 8 बजे मुख्यमंत्री ह सुपेला चौक स्थित पूर्व केंद्रीय मंत्री स्व. चंदूलाल चंद्राकर के प्रतिमा म माल्यार्पण करही अउ सुपेला सात अजुबा के सौंदर्यीकरण काम के सुभारंभ करही । एखर बाद मुख्यमंत्री श्री बघेल ह रात 8.05 बजे राजधानी रायपुर बर प्रस्थान करही ।