जय जोहार। (chhattisgarh ) मुख्यमंत्री भूपेश बघेल ह आज हरेली पर्व के अवसर म गौठान ले जुड़े कम्पोस्ट उत्पादक महिला स्व-सहायता समूह अउ सहकारी समिति ल बोनस वितरण करही । मुख्यमंत्री निवास कार्यालय म बिहनिया 11.30 बजे ले आयोजित वर्चुअल कार्यक्रम के माध्यम ले मुख्यमंत्री ह 7442 स्व-सहायता समूह ल 17 करोड़ अउ सहकारी समिति ल 1.70 करोड़ के रासि बोनस के रूप म देही ।
गौरतलब हे कि (chhattisgarh ) मुख्यमंत्री भूपेश बघेल के अध्यक्षता म 7 जुलाई के मंत्रिपरिसद के बइठक होए रिहीन। एमा गोधन न्याय योजना के अंतर्गत गौठान म वर्मी कम्पोस्ट अउ सुपर कम्पोस्ट खाद के निर्माण करत महिला स्व-सहायता समूह ल 7 जुलाई 2022 तक बिक चुके कम्पोस्ट के प्रति किलो मात्रा म एक रुपिया अउ प्राथमिक सहकारी समिति ल 10 पइसा के दर ले प्रोत्साहन (बोनस) रासि दे के निर्णय लेगे रिहीन । इही तारतम्य म 28 जुलाई के 7442 स्व-सहायता समूह ल 17 करोड़ अउ सहकारी समिति ल 1.70 करोड़ रुपिया प्रोत्साहन रासि के रूप म जारी करे जाही ।
उल्लेखनीय हे कि (chhattisgarh ) राज्य के कई अइसे महिला स्व-सहायता समूह हैं, जेमन ल 2 लाख रुपिया ले लेके 21 लाख रुपिया तक के बोनस मिलही । राज्य के सहरी क्षेत्र के कम्पोस्ट उत्पादक स्व-सहायता समूह म राजनांदगांव स्वच्छ सहरी महासंघ ल सबले जादा 21 लाख 13 हजार 270 रुपिया के बोनस मिलही ।
