chhattisgarh : सीएम भूपेश बघेल ह आज पशुपालक ग्रामीण, स्वसहायता समूह अउ गौठान ल ऑनलाइन जारी करही 4.21 करोड़ रुपिया

जय जोहार…. (chhattisgarh ) मुख्यमंत्री भूपेश बघेल ह आज मंझनिया 12 बजे अपन निवास कार्यालय म आयोजित गोधन न्याय योजना के रासि अंतरण कारीकरम म पशुपालक ग्रामीण, गौठान ले जुड़े महिला समूह अउ गौठान समिति ल 4 करोड़ 21 लाख रुपिया के रासि ऑनलाइन जारी करही।

जेमा 01 जनवरी से 15 जनवरी 2022 तक (chhattisgarh ) राज्य के गौठान म पशुपालक ग्रामीण, किसान, भूमिहीन ले गोधन न्याय योजना के तहत ख़रीदे गोबर के एवज म 2 करोड़ 76 लाख रुपिया के भुगतान, गौठान समिति ल 87 लाख अउ महिला समूह ल 58 लाख रूपिया के लाभांस रासि सामिल हे ।

उल्लेखनीय हे कि गोधन न्याय योजना के तहत गौठान म ग्रामीण ले 2 रुपिया के दर ले गोबर के खरीदी ल करे जात हे। (chhattisgarh ) राज्य म ए योजना के सुरुवात ल 20 जुलाई 2020 के हरेली तिहार ले होय रिहीन। 20 जुलाई 2020 ले लेके 31 दिसम्बर तक के स्थिति म 54.64 लाख क्विंटल गोबर के खरीदी करे गेहे, जेखर एवज म गोबर बेचइया मन ल 119.41 करोड़ रुपिया के भुगतान घलो करे जा चुके हे।