chhattisgarh : सीएम ह आज पशुपालक ग्रामीण,स्व-सहायता समूह अउ गौठान ल ऑनलाइन जारी करही 5.38 करोड़ रुपिया
जय जोहार। (chhattisgarh ) मुख्यमंत्री भूपेश बघेल ह 6 मार्च के संझा 5.30 बजे अपन निवास कार्यालय म गोधन न्याय योजना के रासि अंतरण कारीकरम के तहत पशुपालक ग्रामीण, गौठान ले जुड़े महिला समूह अउ गौठान समिति ल 5 करोड़ 38 लाख रुपिया के रकम ऑनलाइन जारी करही।
जेमा 16 फरवरी से 28 फरवरी तक (chhattisgarh ) राज्य के गौठान म पशुपालक ग्रामीण, किसान, भूमिहीन मन ले गोधन न्याय योजना के तहत ख़रीदे गोबर के एवज म 2 करोड़ 7 लाख रुपिया भुगतान, गौठान समिति ल 1.32 करोड़ अउ महिला समूह ल 1.98 करोड़ रुपिया के लाभांस रासि सामिल हे।
उल्लेखनीय हे कि गोधन न्याय योजना के तहत गौठान म ग्रामीण मन ले 2 रुपिया ले दर ले गोबर के खरीदी ल करे जावत हे। (chhattisgarh ) गौठान म 15 फरवरी तक खरीदे 64.92 लाख क्विंटल गोबर के एवज म गोबर बेचइया ग्रामीण मन ल 129.86 करोड़ रुपिया के भुगतान घलो करे जा चुके हे।
6 मार्च के गोबर विक्रेता मन ल 2 करोड़ 7 लाख रुपिया के भुगतान होय के बाद ये आंकड़ा बाढ़के 131.93 करोड़ रुपिया हो जाही। गौठान समिति ल घलो अब तक 48.05 करोड़ रुपिया अउ महिला स्व-सहायता समूह ल 31.34 करोड़ रुपिया रासि लाभांस के भुगतान करे जा चुके हे ।
