जय जोहार। (Raipur) मुख्यमंत्री भूपेश बघेल ह जन्माष्टमी के अवसर म राजधानी रायपुर के तेलीबांधा म विकसित करे जावत कृष्ण-कुंज म सांस्कृतिक अउ जीवनोपयोगी वृक्ष के रोपण के सुरूआत करही। सीएम श्री बघेल के पहल म छत्तीसगढ़ के सबो नगरीय क्षेत्र म ’कृष्ण कुंज’ विकसित करे जात हे । जन्माष्टमी के अवसर म कृष्ण कुंज म बरगद, पीपल, कदंब जइसे सांस्कृतिक महत्व अउ जीवनोपयोगी आम, इमली, बेर, गंगा इमली, जामुन, गंगा बेर, शहतूत, तेंदू ,चिरौंजी, अनार, कैथा, नीम, गुलर, पलास, अमरूद, सीताफल, बेल, आंवला के वृक्ष के रोपण करे जाही ।
(Raipur) मुख्यमंत्री ह सबो कलेक्टर ल ’कृष्ण-कुंज’ विकसित करे बर वन विभाग ल न्यूनतम एक एकड़ भूमि के आबंटन करे के निर्देस देहे । अब तक राज्य के 162 स्थल ल ’कृष्ण कुंज’ बर चिन्हांकित कर ले गेहे । ए कृष्ण जन्माष्टमी ले पूरा राज्य म ’कृष्ण कुंज’ बर चिन्हित स्थल म वृक्ष के रोपण प्रारंभ करे जाही । कृष्ण कुंज ल विसिष्ट पहचान दिलाय बर सबो निकाय म एकरूपता प्रदर्सित करे बर वन विभाग डहार ले बाउंड्रीवाल गेट म लोगो के डिजाईन ल एक समान तैयार करे गेहे ।
रायपुर (Raipur) जिला के 10 नगरीय निकाय कुर्रा, खरोरा, बिरगांव, अटारी, तेलीबांधा, आरंग, चंदखुरी, कुरुद समोदा, उरला म कृष्ण-कुंज बर स्थल चयनित करे गेहे । गरियाबंद जिला के 3 महासमुंद के 6, गौरेला पेंड्रा जिला के 2 कोरिया जिला के 7, कोंडागांव जिला के 3,दंतेवाड़ा जिला के 4, बीजापुर, सुकमा, नारायणपुर जिला के 1-1 स्थलों के संग कुल 162 चयनित स्थल म जन्माष्टमी म पौधा के रोपण करे जाही ।
