CM Bhupesh Baghel ह पंचायती राज प्रतिनिधि ल राष्ट्रीय पंचायती राज दिवस के दीन सुभकामना

जय जोहार। सीएम भूपेश बघेल (CM Bhupesh Baghel) ह प्रदेस के पंचायत राज प्रतिनिधि ल राष्ट्रीय पंचायती राज दिवस के सुभकामना दीन हे । सीएम ह अपन संदेस म कहिन हे कि संविधान के 73वां संशोधन के अधिनियमन के प्रतीक स्वरूप भारत म 24 अप्रैल के राष्ट्रीय पंचायतीराज दिवस मनाए जात हे । ए संशोधन अधिनियम ले स्थानीय स्तर म लोकतंत्र की स्थापना बर पंचायती राज संस्थान ल संवैधानिक स्थिति प्रदान करे गीन अउ ओमन ल देस म ग्रामीण विकास के काम सौंपे गीन ।

सीएम ह कहिन कि पूर्व प्रधानमंत्री राजीव गांधी ह ग्राम पंचायत ल संवैधानिक अधिकार अउ दायित्व देके राष्ट्रपिता महात्मा गांधी के ग्राम स्वराज के सपना ल साकार करे हे । छत्तीसगढ़ म पंचायती राज संस्था ह जमीनी स्तर म अपन नेतृत्व क्षमता अउ भागीदारी ल साबित करे हे ।

संकट के बेरा म आंगनबाड़ी अउ पीडीएस के माध्यम ले हितग्राही परिवार ल रासन पहुंचाना हो या मनरेगा के माध्यम ले रोजगार मुहैया कराना, ए सबो काम म सरकार के संग पंचायत ह कदम ले कदम मिलाके काम करे हे । पंचायती राज संस्था ह जतना सशक्त होही, लोकतंत्र घलो उतना ही मजबूत होही ।