CM Bhupesh Baghel ह करीन घोसना : सरसींवा बनही तहसील, सरसींवा अउ पवनी बनही नगर पंचायत

जय जोहार। सीएम भूपेश बघेल ह प्रदेशव्यापी भेंट-मुलाकात कार्यक्रम के तहत मंगलवार के नवगठित सारंगढ़-बिलाईगढ जिला के बिलाईगढ़ विधानसभा के अंतर्गत ग्राम पंचायत सरसींवा पहुंचीन । कार्यक्रम म मुख्यमंत्री ह ग्रामीण मन ले सरकार डहार ले चलाए जावत जनहितैषी योजना अउ कार्यक्रम के जमीनी हकीकत के जानकारी लीन अउ अधिकारी मन ल एखर निराकरण बर निर्देसित घलो करीन । मुख्यमंत्री ह इंहा जनता के सुविधा बर सरसींवा ल नवा तहसील अउ सरसींवा अउ पवनी ल नगर पंचायत बनाय के घोसना करीन ।

मुख्यमंत्री ह सरसींवा म प्राथमिक स्वास्थ्य केंद्र के सामुदायिक स्वास्थ्य केंद्र म उन्नयन, बिलाईगढ़ म नवा जिला सहकारी बैंक के शाखा, बिलाईगढ़ सामुदायिक स्वास्थ्य केन्द्र के बिस्तर क्षमता 30 बिस्तर ले बढ़ाके 50 बिस्तर करे जाय सहित बिलाईगढ़ नगर पंचायत म बस्ती पहुंचे अउ बस्ती ले बाजार पहुंचे बर पुलिया के निर्माण बर रासि के स्वीकृति करे जाय के घोसना करीन ।

ए मउका म स्कूली शिक्षा अउ जिला के प्रभारी मंत्री डॉ. प्रेमसाय सिंह टेकाम, उच्च शिक्षा मंत्री उमेश पटेल, संसदीय सचिव चन्द्रदेव प्रसाद राय, अ.जा. विकास प्राधिकरण के उपाध्यक्ष अउ सारंगढ़ विधायक उत्तरी जांगड़े उपस्थित रिहीन ।