chhattisgarh : सीएम ह दीन हे मंगरैलगढ़ में बड़का सौगात, सीतापुर म बनही ऑडिटोरियम, केरजू म खुलही पुलिस चौकी

जय जोहार। मुख्यमंत्री भूपेश बघेल ह भेंट मुलाकात कारीकरम के तहत आज सीतापुर विधानसभा क्षेत्र के ग्राम मंगरैलगढ़ पहुंचीन। मुख्यमंत्री ह इहां ऐतिहासिक मंगरैलगढ़ी देवी मंदिर म पूजा अर्चना करीन अउ प्रदेस वासी मन के सुख समृद्धि अउ खुसहाली के कामना करीन । वो हा मंदिर परिसर म बेल के पौधा घलो लगाइन ।

भेंट मुलाकात कारी करम के दउरान मुख्यमंत्री ह मंगरैलगढ़ म कई ठीन बड़का घोसना घलो करीन । एमा मंगरैलगढ़ भौंराडांड मांड नदी तक सड़क निर्माण, मंगरैलगढ़ मांड नदी म एनीकट निर्माण, मंगरैलगढ़ प्राथमिक अउ मीडिल स्कूल के नवा भवन के निर्माण, केरजू म पुलिस चौकी के स्थापना, सीतापुर म ऑडिटोरियम के निर्माण, मंगरैलगढ़ म 25 लाख के सामुदायिक भवन के निर्माण जइसे बड़का घोसना सामिल हे ।