Raipur : मुख्यमंत्री ह आज खुज्जी विधानसभा म करही भेंट-मुलाकात, पढ़व
जय जोहार। (Raipur ) मुख्यमंत्री भूपेश बघेल ह अपन प्रदेसव्यापी भेंट-मुलाकात अभियान के कड़ी म 16 नवम्बर के खुज्जी विधानसभा क्षेत्र म भेंट-मुलाकात करही । ए दउरान मुख्यमंत्री श्री बघेल ह आमजन ले संपर्क अउ संवाद के संग भेंट-मुलाकात करही अउ सासन के योजना के क्रियान्वयन के जानकारी लेही । उहें आमजनता के समस्या म ओखर ले सीधा बातचीत करही , संगेसंग विभिन्न संगठन ले घलो मुलाकात कर ओखर समस्या अउ आवश्यकता ल जानही ।
(Raipur ) मुख्यमंत्री भूपेश बघेल ह 16 नवम्बर के डोंगरगढ़ नगर म बिहनिया 10 बजे अधिकारी के समीक्षा बइठक लेही, विभिन्न विकास काम के सिलान्यास अउ लोकार्पण करे के बाद प्रेस वार्ता ल सम्बोधित करही । मुख्यमंत्री ह डोंगरगढ़ म बिहनिया 11.05 बजे ले 11.35 बजे तक स्वामी आत्मानंद स्कूल म स्वर्गीय इंदिरा गांधी के मूर्ति के अनावरण करही। एखर बाद मंदिर दर्शन ल जाही अउ सी-मार्ट के घलो लोकार्पण करही ।
(Raipur ) मुख्यमंत्री श्री बघेल ह डोंगरगढ़ ले बिहनिया 11.40 बजे हेलीकॉप्टर ले प्रस्थान कर बिहनिया 11.55 बजे इन्द्रप्रस्थ मिनी स्टेडियम ग्राम छुरिया पहुंचही, इंहा मंझनिया 12 बजे ले ओखर भेंट-मुलाकात कार्यक्रम सुरु होही। मुख्यमंत्री ह फेर मंझनिया 2 बजे ग्राम छुरिया ले हेलीकॉप्टर ले प्रस्थान कर 2.15 बजे चिल्हाटी जिला मोहला-मानपुर-अंबागढ़ चौकी पहुंचही । मुख्यमंत्री के 3 बजे ले ग्राम चिल्हाटी म भेंट-मुलाकात कार्यक्रम सुरु होही ।
