chhattisgarh : सीएम भूपेश बघेल ह आज कोरिया जिला म करही भेंट-मुलाकात
जय जोहार। मुख्यमंत्री भूपेश बघेल (CM Bhupesh Baghel) ह भेंट-मुलाकात अभियान के तहत आज ले कोरिया जिला के प्रवास म रही । सीएम श्री बघेल ह आज कोरिया जिला के भरतपुर सोनहत विधानसभा क्षेत्र के ग्राम बहरासी, रामगढ़ अउ रजौली म मनखे मन ले रूबरू होही अउ जिला मुख्यालय बैकुण्ठपुर म रात्रि विश्राम करही ।
निर्धारित दउरा कार्यक्रम के तहत मुख्यमंत्री भूपेश बघेल (CM Bhupesh Baghel) ह आज बिहनिया 11 बजे पुलिस ग्राउंड हेलीपेड रईपुर ले हेलीकॉप्टर ले प्रस्थान कर मंझनिया 12 बजे कोरिया जिला के भरतपुर विकासखण्ड अंतर्गत ग्राम बहरासी पहुंचेही । मुख्यमंत्री ह एखर बाद बहरासी ले मंझनिया 1.25 बजे हेलीकॉप्टर डहार ले प्रस्थान कर 1.55 बजे विकासखण्ड सोनहत अंतर्गत ग्राम रामगढ़ पहुंचही । सीएम ह रामगढ़ म भेंट-मुलाकात के बाद हेलीकॉप्टर ले प्रस्थान कर मंझनिया 4.15 बजे विकासखण्ड सोनहत अंतर्गत ही ग्राम रजौली पहुंचही ।
रजौली म भेंट-मुलाकात के बाद संझा 5.40 बजे हेलीकॉप्टर ले प्रस्थान कर 5.55 बजे जिला मुख्यालय बैकुण्ठपुर पहुंचही । इहां सीएम भूपेश बघेल (CM Bhupesh Baghel) ह इंदिरा पार्क बैकुण्ठपुर में संझा 6 बजे स्वर्गीय इंदिरा गांधी के प्रतिमा के अनावरण करही अउ 7.30 बजे ले आने आने प्रतिनिधि मंडल ले भेंट करही । मुख्यमंत्री ह 28 जून के रात्रि विश्राम जिला मुख्यालय बैकुण्ठपुर म करही ।
