सबले बड़े प्रशासनिक अफसर पहुंचिस गंगरेल , अऊ विकसित करे बर करिस मीटिंग , बोटिंग के मजा घलो लिस

जय जोहार रायपुर.. प्रदेश के मुख्य सचिव आर.पी. मंडल आज गंगरेल म धमतरी जिला के पर्यटन विकास बर संभावना अऊ अब तक के कार्य मन के गहन समीक्षा करिस , बैठक के बाद मुख्य सचिव ह बोटिंग के जरिए गंगेरल जल क्षेत्र, गांधी मंदिर के भ्रमण कर ऊंहा पर्यटन सचिव पी. अन्बलगन, कलेक्टर रजत बंसल आदि से चर्चा करिस , समीक्षा के दौरान मुख्य सचिव ह नरहरा धाम म सैलानी मन के बढ़त संख्या ल देख के ओखर समुचित विकास करे बर किहिस,

गंगरेल के बरदिहा लेक व्यू म आयोजित समीक्षा बैठक म कलेक्टर रजत बंसल ह जिला के गंगरेल, रूद्री, सोढूंर, नरहरा अऊ माडमसिल्ली बांध ल पर्यटन के दृष्टि ले विकसित करे के प्रयास के बारे म पावर पॉइन्ट प्रेजेंटेशन के जरिए जानकारी दिस। अइसने सप्तऋषि आश्रम, नगरी के वनांचल ग्राम जबर्रा अऊ सोढूंर बांध के आस-पास के पर्यटन स्थल के विकास के संबंध म विस्तार से जानकारी दिस,

ये मौक़ा म पुलिस अधीक्षक बी.पी. राजभानू  , वनमंडलाधिकारी अमिताभ बाजपेयी , जिला पंचायत सीईओ श्रीमती नम्रता गांधी के संग अऊ अधिकारी मन उपस्थित रिहिन.