मुंगेली। बेलखुरी…..ये गांव हे छत्तीसगढ़ सरकार के मवजूदा चीफ सेक्रेटरी अजय सिंह चंदेल के । इहां के लोग आज घलो पानी, बिजली, सड़क, शउचालय जइसे बुनियादी व मूलभूत सुविधामन ले वंचित हे। उंखर मुख्य सचिव बने के बाद उहां के लोगन ल लगिस के अब उमन के अपन समस्या मन ले निजात मिल जाही, मगर अइसे नई होइस ।
मुंगेली जिला के पथरिया विकासखंड के गांव बेलखुरी छत्तीसगढ़ सरकार के मवजूदा चीफ सेक्रेटरी अजय सिंह चंदेल के गृह ग्राम हे। चीफ सेक्रेटरी के गांव के तस्वीर मन चउकाने वाले हे। इहां के ग्रामीन मूलभूत सुविधामन के अभाव म जीय बर मजबूर हे।
बेलखुरी वो गांव हे जिहां मुख्य सचिव अजय सिंह के बचपन बीतिस हे। प्रदेस के आला अफसर अजय सिंह ल मुख्य सचिव के पद मिले ले गांव वाल मन ल लगे रहिस हे के अब उमन अपन समस्या मन ले निजात मिलही, मगर अइसे नइ होइस।
इहां के लोगन आज घलो पानी, बिजली, सड़क, सउचालय जइसे बुनियादी व मूलभूत सुविधा मन ले वंचित हे। बरसात के दिन मन म ये गांव तालाब म तब्दील हो जात ह। जगा-जगा म गंदा पानी अउ कीचड़ जम जात हे। इही कीचड़ भरे रद्दा ल गुजरत समय एक झन के कमर टूट गिस त एक के पइर, बावजूद ये हालत म कोनो सुधार नइ होइस हे। कहे बर त गांव म पानी टंकी हे, मगर पानी के सप्लाई बंद हे।
स्कूल घलो हे लेकिन भवन जरजर हे, जेकर छत ले पानी टपकता हे। उहें भवन विहीन अउ संसाधन मन के कमी से जूझत प्राथमिक स्वास्थ्य केंद्र म स्वास्थ्य सुविधा ठप हे। येकर अलावा बिजली सप्लाई घलो भगवान भरोसे हे। इहां के ग्रामीन मन समस्या ल लेके कतको बार अधिकारी मन के दफ्तर मन के चक्कर लगा चुके हे, लेकिन ग्रामीनमन ल आस्वासन के सिवाय कुछु घलो नइ मिलिस हे।
मुंगेली जिला ल भले ही राज्य के प्रथम ओडीएफ जिला के दरजा मिले हे, लेकिन येकर सच्चाई चीफ सेक्रेटरी के गांव बयां करत हे। हालात ये हे के ओडीएफ के तमगा प्राप्त करे के साल भर बाद घलो इहां के ग्रामीन मन खुला म शउच जाय बर मजबूर हे।
