रायपुर. राजधानी के पास धरसीवां गांव म एक दर्दनाक सड़क हादसा म बॉलीवुड अउ टेलीविजन के फेमस चाइल्ड आर्टिस्ट शिवलेख सिंह उर्फ अनु सिंह के मौका म ही मौत हो गे। शिवलेख अपन परिवार के संग कार ले जावत रहिस।
इही दौरान सामने ले आवत ट्रेलर ले भयंकर टक्कर हो गे। हादसा के समय कार म शिवलेख के पिता शिवेंद्र सिंह, नवीन सिंह, मां लेखना सिंह घलो मौजूद रिहिन। मां अउ पिता गम्भीर हालत म नारायणा हॉस्पिटल म भर्ती हें।
शिवलेख हा फेमस टीवी सीरियल ‘ससुराल सिमर का’ सहित कई सीरियल मन म अहम रोल निभाके अपन पहिचान बनाए रिहिस। शिवलेख हा जांजगीर के नरियरा गांव के रहवइया रिहिस।
शिवलेख जी-टीवी के इंडियाज बेस्ट ड्रामेबाज, सोनी टीवी के संकटमोचन हनुमान, कलर्स टीवी के ससुराल सिमर का, सब टीवी के खिड़की, बालवीर, श्रीमान जी श्रीमती जी, बिग मैजिक के अकबर-बीरबल म अभिनय कर चुके रिहिन। वो हा रेमो डिसूज़ा के मूवी म घलो काम करत रिहिस। एकर 90 प्रतिशत शूटिंग हो चुके हे।
No Comment! Be the first one.