Raipur: आज ले सुरू होही शिशु संरक्षण माह, लईका मन ल दे जाही विटामिन ए अऊ आयरन सिरप के खुराक

जय जोहार…. (Raipur) रायपुर जिला म आज ले शिशु संरक्षण माह सुरु होवइया हे, जेन ह 26 फरवरी तक चलही। ए दौरान 2 लाख 67 हजार ले जादा लईका मन ल विटामिन ए अऊ लगभग 2 लाख 91 हजार लईका मन ल आयरन सिरप के खुराक दे जाही। ये खुराक ल 2306 प्रस्तावित सत्र म लईका मन ल पिलाय जाही।

कोविड 19 के दौरान गाइडलाइन के अनुसार (Raipur) लईका मन ल विटामिन ए अऊ आयरन सिरप के खुराक दे जाही। संगेसंग शारीरिक दूरी के घलो धियान रखे जाही। समय के जानकारी ल लईका मन ल पहिले दे दे जाही, ताकि ओ हा आसानी ले आक विटामिन ए अऊ आयरन सिरप के खुराक के सेवन कर सके।

एखर जानकारी ल देवत हुये रायपुर (Raipur) के मुख्य चिकित्सा अऊ स्वास्थ्य अधिकारी डॉ मीरा बघेल ह बताईस कि ये विटामिन ए अनुपूरक कार्यक्रम हे, जेमा विटामिन ए अऊ आयरन सिरप ल सरकारी स्वास्थ्य केंद्र म मुफ्त दे जाही। सत्र के दौरान विटामिन ए अऊ आयर सिरप लईका मन ल पिलाय जाही।