chhattisgarh : 24 अगस्त ले सुरु होवइया हे शिशु संरक्षण माह, करीबन 27 लाख लईका मन ल दे जाही विटामिन ए के खुराक

जय जोहार…. (chhattisgarh) प्रदेस म 24 अगस्त ले 28 सितम्बर तक बर शिशु संरक्षण माह के आयोजन करे जाहि। ए दउरान टीकाकरण केन्द्र अउ आंगनबाड़ी म 9 माह ले 5 बछर के करीबन 26 लाख 40 हजार लाख लईका मन ल विटामिन ‘ए‘ सिरप पिलाए जाहि। उहें 6 माह ले 5 बछर के लगभग 27 लाख 60 हजार लईका मन ल आयरन फोेलिक एसिड सिरप के खुराक दे जाहि।

कारीकरम के क्रियान्वयन ल एएनएम अउ आंगनबाड़ी कार्यकर्ता मन के सहयोग ले हरेक मंगलवार अउ शुक्रवार के आयोजित होवइया टीकाकरण दिवस के करे जाहि। (chhattisgarh) एखर आलावा टीकाकरण ले छूटे अउ नियमित टीकाकरण के लक्षित लईका मन ल प्रतिरक्षा बर बी.सी.जी., हेपेटाईटिस बी, डी.पी.टी., ओ.पी.व्ही., मिजल्स-रूबेला अउ पेंटावेलेंट के टीका घलो लगाए जाहि।

शिशु संरक्षण माह के दउरान लईका मन ल कुपोसण ले मुक्त बनाय बर ओखर वजन ले जाहि अउ अतिकुपोसित लईका मन के चिन्हांकन कर ओखर पोसण स्तर म सुधार लाय बर पोसण पुनर्वास केन्द्र म भर्ती कर उपचार करे जाहि। (chhattisgarh) ए दउरान आंगनबाड़ी म घलो कुपोसित लइका मन ल पूरक पोसण आहार उपलब्ध कराए जाहि। पालक मन ल लईका के उमर के अनुरूप पोसण आहार के जानकारी दे जाहि।