जय जोहार…. (chhattisgarh ) मुख्यमंत्री भूपेश बघेल ह प्रदेस के उच्चतर माध्यमिक विद्यालय म हायर सेकेंडरी के पढ़ाई के संग -संग आईटीआई व्यवसायिक शिक्षा के संयुक्त पाठ्यक्रम के सुभारंभ करीन। छत्तीसगढ़ माध्यमिक शिक्षा मण्डल अउ राज्य व्यवसायिक प्रशिक्षण परिसद (एससीव्हीटी) डहार ले संयुक्त रूप से तैयार करे गे ए दू बछर पाठ्यक्रम म कक्षा 11वीं अउ 12वीं के पढ़ाई के संगेसंग आईटीआई कोर्स के पढ़ाई घलो विद्यार्थी मन कर सकही । ए पाठ्यक्रम म 12वीं के परीक्षा पास करइया विद्यार्थी मन ल हायर सेकेण्डरी के संग आईटीआई के प्रमाण पत्र घलो मिलही।
मुख्यमंत्री भूपेश बघेल के बिसेस पहल ले सुरु करे गे ए पाठ्यक्रम ह छत्तीसगढ़ (chhattisgarh ) के स्कूल शिक्षा म एक बड़का अउ व्यापक बदलाव लवइया कदम साबित होही। एमा पढ़इव लईका मन ल कक्षा 12वीं के प्रमाणपत्र ल माध्यमिक शिक्षा मंडल डहार जाही, जेखर ले ओ हा उच्च शिक्षा म प्रवेस ले सकत हे अउ आईटीआई के प्रमाण पत्र घलो मिलही , जेखर ले रोज़गार प्राप्त कर सकही। दुनो कोर्स ह एक संग चलही।
मुख्यमंत्री बघेल ह आज अपन निवास कार्यालय म वीडियो कॉन्फ्रेंसिंग डहार ले आयोजित कारीकरम म दुर्ग जिला के पाटन के स्वामी आत्मानंद स्कूल ले छत्तीसगढ़ (chhattisgarh ) के स्कूल म स्कूली शिक्षा के संग व्यावसायिक शिक्षा बर तैयार करे गे ए पाठ्यक्रम के सुरुआत की। वीडियो कॉन्फ्रेंसिंग ले जुड़े उच्च शिक्षा अउ तकनीकी शिक्षा मंत्री उमेश पटेल ह कारीकरम के अध्यक्षता ल करीन।
