chhattisgarh के लईका मन ह करही पूर्व प्रधानमंत्री राजीव गांधी के व्यक्तित्व अऊ कृतित्व के पढ़ई

जय जोहार…. (chhattisgarh) प्रदेश के लईका मन ह अब पूर्व प्रधानमंत्री राजीव गांधी के बारे म पढ़ही। अवइया सत्र ले कक्षा सातवीं के छात्र ह हिन्दी विषय म राजीव गांधी के व्यक्तित्व अऊ कृतित्व के बारे म पढ़ई करही। अइसनहे राज्य शैक्षणिक अनुसंधान परिषद ह पाठ्यक्रम म कई नवा बदलाव करे ल जावत हे। 

(chhattisgarh) प्रदेश म सरकार म बदलाव होय के दू साल बाद अब प्रदेश के किताब के पाठ्यक्रम म घलो बदलाव होवत हे। इहीं कड़ी म पूर्व प्रधानमंत्री राजीव गांधी ल कक्षा सातवीं के पाठ्यक्रम म स्थान दे गे हे। कक्षा के लईका मन ह हिंदी विषय के पाठ्यक्रम म राजीव गांधी के व्यक्तित्व अऊ कृतित्व के बारे म पढ़ही। राजीव गांधी के टैक्नोलाजी के क्षेत्र म दे गे योगदान ल पढ़ाय जाही।

 इही नई एससीईआरटी ह ए बार पुस्तक म कई महत्वपूर्ण बदलाव करे हे। यातायात के नियम ल जोड़े ले लेके नवा नक्शा ल घलो किताब म जगह दे गे हे। उहचे छठवीं ले लेके आठवीं तक के विज्ञान अऊ गणित के हिन्दी माध्यम के किताब म ट्रामालाजी के शब्द ल अंग्रेजी म घलो डाले जाही। (chhattisgarh) एससीईआरटी के संयुक्त संचालक डॉ यागेश शिवहरे ह कहिन कि पाठ्यक्रम म बदलाव म सबले महत्वपूर्ण बदलाव ट्रामालाजी के शब्द ह इंग्लिश म घलो होही। हिंदी माध्यम के लईका मन ह जब आगू के कक्षा म जावत हे, त ओ मन ल हिन्दी अऊ अंग्रेजी के शब्द म कन्फ्यूजन होवत हे। एला देखत हुये ये बदलाव करे गे हे।