Raipur: लईका मन ह निकालिस रैली, ए बार प्रदूषण मुक्त दिवाली मनाय के ले हे संकल्प

जय जोहार…. (Raipur) रायपुर शहर के आवासीय कालोनी परिसर म रहवइया लईका मन ह गो ग्रीन संस्था के बेनर तले आवासीय परिसर के सामने रैली निकालिस। ए वर्ष दिवाली ल प्रदूषण मुक्त तरीका ले मनाय अऊ दिवाली म पटाखा नई फोड़ के शहर ल ध्वनि अऊ धुंआ प्रदूषण ले राहत दिलवाय के प्रण लिस।

गो ग्रीन संस्था के पदाधिकारी मन के अनुरोध म (Raipur) महापौर एजाज ढेबर अऊ नगर निगम सभापति प्रमोद दुबे ह उहां पहुंच के आवासीय कालोनी परिसर के रहवइया लईका मन के रैली ल हरी झंडी दिखा के रवाना करिन।

(Raipur) ए अवसर म महापौर एजाज ढेबर अऊ सभापति प्रमोद दुबे ह लईका मन के तरफ ले ए वर्ष दिवाली पर्व ल प्रदूषण ले मुक्त पर्व के रूप म मनाय अऊ पटाखा नई फोड़े के प्रण ल कोविड 19 के वायरस के प्रसार ल रोके के दृष्टि ले सराहनीय संकल्प निरूपित करे हे।