जय जोहार…. बिलासपुर (Bilaspur) शहर के सबो चौक अउ चौराहा म जल्द कैमरा लगही।
स्मार्ट सिटी के अंतर्गत बिलासपुर शहर अउ इहां के यातायात व्यवस्था ल घलो व्यवस्थित अउ हाईटेक बनाय जावत हे। अवइया समय म बिलासपुर के सबो स्थान म सीसीटीवी कैमरा लगाय जाही।
जेखर ले रद्दा म अवइया समेत छेड़खानी अउ लूटमार सरीखा अपराध करइया तत्व म निगरानी बने रही। जेखर ले कानून व्यवस्था ह अउ मजबूत होही। (Bilaspur) शहर विधायक शैलेश पाण्डेय अउ निगम आयुक्त के बीच बइठक होय हे।
निगम आयुक्त अउ विधायक ह बतइस कि अवइया समय म स्मार्ट सिटी के अंतर्गत अउ बड़का-बड़का कार्य करे के योजना बनाय जावत हे। जेखर ले बिलासपुर ह अउ सुंदर बनही।
शहर विधायक के अधिकारी मन के संग होय बइठक म कांग्रेस के शहर अध्यक्ष प्रमोद नायक ह घलो उपस्थित रिहिस।
वो हा नगर निगम आयुक्त प्रभाकर पांडे ले आग्रह करिन कि ओ कांग्रेस भवन बर जमीन आवंटन बर जल्द सामान्य सभा के बइठक आमंत्रित करे, जेखर ले ए प्रस्ताव ल अंतिम रूप से स्वीकृत अउ पारित करे जा सके।
बता दन कि (Bilaspur) नगर निगम सीमा के विस्तारीकरण के बाद शहर ल जल्द बी ग्रेड स्मार्ट सिटी के दर्जा मिलही, जेन प्रदेश के मुख्यमंत्री भूपेश बघेल अउ ओखर मार्गदर्शन म शहर विधायक के प्रयास के ही सफल नतीजा हे।
